Sapo yang kau poluk ni Nabil?

Akhir2 ni asik cerito politik yor. Bosan pun ado...kelakar apotah laie. Jadi, sobolum blog ni tobakar dek paneh bonar, apo kato kito break kojap. Den nak cerito pasal sorang anak negori yang baru2 ni dah memonangi anugerah bintang paling popular surat kabar BH.

Den nak tanyo, apo masalah ekau ni sebonar eh Nabil oii? Sobolum ni ekau kato tak nyosa tepolok awek kau si Irma maso majlis anugerah popular. Lopeh kono balun kek orang ramai, tup2 ko mintak maap pulak dongan alasan konon eh tak sengajo.

Tapi bilo den nengok gamba kek bawah ni, nampak na ekau kan main sakan moluk pompuan. Tak nampak lak macam ekau tak sengajo maso bepoluk tu. Sapo lak yang kau poluk kali ni? Adokah gamba ini bukti bahawo kau memang spesis yang ketagih poluk pompuan?

Ekau jangan kasi malu anak negori Nabil. Sesuko hati lak nak poluk anak daro orang, pehtu bagi alasan tak sengajo. Den pun nak gak buek camtu kok boleh. Den akan bagi gak alasan yang den poluk semuo pompuan sobab tak sengajo.

Ni la masalah eh orang Melayu. Dapek hidup sonang skit...trus dilupokan asal usul dan adat resam. Jangan jadi cam pembangkang, bilo dah idup sonang...semuo dio nak hapuskan..DEB la, PPSMI la, AUKU la..Hak Istimewa Melayu la..sampai Rajo Melayu pun nak dihumban an dek pembangkang. Sok kok nyosa.

Den nak posan, kok ekau nak lamo hidup sonang macam sekarang, kono la jago tingkah laku tu. Jangan lak sampai den raso sogan lak nanti nak ngaku yang ekau ni orang kampung den. Jago skit hati orang2 yang nyokong dan mengangkek kau daripado sorang despatch sehinggolah berjayo jadi bintang tekonal. Kok ikut resmi pembangkang, jangankan bepolok, begamba bogel pun 'halal' kek mereka nun.

Lagi satu sebolum den telupo, den nak bagi amaran kek kau supayo jangan lak sok ekau ngengado poie poluk Brader Anwar Bin Ibrahim. Bukannyo apo, takut lak den kok sok kau kono buasir. Apo2 pun...lu pikir la sendiri.



(Sumber: http://paneh.blogspot.com/)